Andijon mashinasozlik institutida “Oliy ta’limning o‘quv-uslubiy va ilmiy faoliyatini ilg‘or xalqaro tajribalar asosida rivojlantirish: o‘quv jarayoniga kredit – modul tizimini to‘liq joriy etish,ta’lim sifati va samaradorligining uslubiy jihatlari” mavzusida seminar o‘tkazildi.
Unda ishtirok etgan Andijon davlat texnika instituti o‘quv ishlari bo‘yicha prorektori Suhrobjon Aliyev seminar qishki ta’til davrida muassasada faoliyat olib borayotgan professor-o‘qituvchilarning kasbiy mahoratini oshirish, bilimlarini yanada mustahkamlash maqsadida tashkil etilganini bildirdi.
Seminarda Andijon mashinasozlik instituti birinchi prorektori Akmaljon Ermatovning Prezident Shavkat Mirziyoyevning 20-noyabr kuni Oliy Majlis Qonunchilik palatasining majlisida uzoq muddatli istiqbolga mo‘ljallangan ustuvor vazifalari to‘g‘risidagi murojaatnomasi mazmun-mohiyati haqida tushunchalar berdi.
Murojaatnomada davlatimiz rahbari respublikamizning siyosiy, iqtisodiy, ijtimoiy va madaniy sohalariga birdek aloqador dolzarb masalalarni tilga olganini, unda ilgari surilgan taklif va tashabbuslar mamlakatimiz rivoji va xalqimiz farovonligini ta’minlashda, dolzarb islohotlarni amalga oshirishda muhim dasturulamal bo‘lib xizmat qilishi qayd etildi.
Tadbir ishtirokchilari o‘zlarini qiziqtirgan savollarga javob oldi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
