O‘zbekiston yoshlar ittifoqi Andijon viloyat Kengashi, viloyat yoshlar ishlari boshqarmasi hamkorligida "Yoshlar forumi" doirasida joriy yil davomida amalga oshirilgan ishlar sarhisobiga bag‘ishlangan "Yil e’tirofi" taqdirlash marosimi o‘tkazildi.
Unda viloyatdagi mavjud davlat va nodavlat oliy ta’lim muassasalarining boshlang‘ich tashkilot yetakchi va koordinatorlari, viloyatimizning faol va tashabbuskor yoshlari ishtirok etdi.
Tadbir davomida “Yil e’tirofi — 2024” taqdirlash marosimi tashkil etilib, “Yilning eng namunali boshlang‘ich tashkiloti kengashi jamoasi” hamda “Yilning eng namunali koordinatori” nominatsiyalari bo‘yicha g‘oliblar taqdirlandi.
Quvonarlisi, taqdirlash marosimida Andijon mashinasozlik instituti boshlang‘ich tashkiloti jamoasi ketma-ket ikkinchi yil viloyatda "Yilning eng namunali boshlang‘ich tashkiloti" nominatsiyasida g‘oliblikni qo‘lga kiritdi.
Shuningdek, boshlang‘ich tashkiloti "Besh tashabbus" loyihalari koordinatori Azizbek Muhammadjonov, "Intellektual" loyihalar koordinatori O‘tkirbek Hoshimov va "Tadbirkorlik va innovatsion" loyihalar koordinatori Shavkatbek Egamberdiyevlar "Eng namunali koordinator" sifatida e’tirof etildi.
Institut pedagogik jamoasi hamda talabalar nomidan boshlang‘ich tashkilot Kengashi a’zolari ushbu g‘alabasi bilan muborakbod etib, kelgusi faoliyatida omad va zafarlar tilab qoladi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
