Davlatimiz rahbarining joriy yilning 20-iyun kuni muhandislik sohalarida kadrlar tayyorlash va oliy ta’lim muassasalari faoliyatini yanada takomillashtirish masalalari yuzasidan o‘tkazilgan videoselektor yig‘ilishida bergan vazifalarni ta’minlash borasida Andijon mashinasozlik institutida bir qator amaliy ishlar olib borilmoqda.
Jumladan, institut “Tarmoq – korxona – oliygoh” zanjiri asosida Asaka shahrida joylashgan “Avtokomponent” mas’uliyati cheklangan jamiyati bilan doimiy hamkorlikni yo‘lga qo‘ygan.
Joriy o‘quv yilida jamiyatda institutning Mashinasozlik texnologiyasi, mashinasozlik ishlab chiqarishini jihozlash va avtomatlashtirish hamda Texnologik mashinalar va jihozlar kafedralarining filiallari tashkil etildi.
Shunga ko‘ra, korxonada talabalar darslarda olgan nazariy bilimlarini, ishlab chiqarish jarayonida amaliy o‘rganmoqdalar. Bundan tashqari tajribali xodimlari va mutaxassislari tomonidan dars mashg‘ulotlari o‘tkazilib, talabalarning kasbiy ko‘nikma va qobiliyatlarini rivojlantirilmoqda.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
