Vaqt shiddatini qarangki, ko‘z ochib yumguncha to‘rt fasl almashib, 2025-yilning ostonasida turibmiz. Eski yil umrimizning yana bir bo‘lagini o‘zi bilan tarix qatlariga olib ketmoqda.
Hozir yangi orzu-maqsadlar, yangi rejalar tuziladigan damlar. Zero, orzu – ruhning qamchisi, xayol esa ulovi. Intiqib kutiladigan bayramda albatta ko‘zlangan marra va niyatlar ham yangilanadi.
Ha, bugun yangi yil, umrimizning ochilajak yangi sahifasi qalblarda tug‘ilajak pok maqsad, o‘y-xayollar haqida gapirayotgandek...
Yangi yil arafasida hamma joyda bayram kayfiyati hukmron, shahar ko‘chalari, maydon va xiyobonlar, mahallalar ertaknamo tusga kirgan, turfa ranglar sho‘lasi qalblarga ko‘chgan.
Andijon mashinasozlik institutida ham yangi yil shukuhi kezmoqda.
Institutning 1-son talabalar turar joyida talaba qizlar uchun "Yangi yil shukuhi" shiori ostida ma’naviy-ma’rifiy tadbir o‘tkazildi.
Unda Intellektual boshqaruv va kompyuter tizimlari fakulteti dekan maslahatchisi Oybahor Sotiboldiyeva, tarbiyachi-pedagog Gulnozaxon Bakayevalar ishtirok etdi.
Tadbir davomida ishtirokchilar qiziqarli topshiriqlarni bajardilar, tengdosh dugonalari uchun yangi yil tabriklarini yo‘lladilar. Shuningdek, o‘z mohirliklarini namoyon etdilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
