Oliy ta’lim, fan va innovatsiyalar vazirligining joriy yil 11 dekabrdagi 464-sonli buyrug‘i bilan 2024/2025 o‘quv yili uchun Prezident va nomma-nom davlat stipendiyalarini olgan oliy ta’lim muassasalarining bakalavriat talabalari ro‘yxati e’lon qilindi.
Transport va logistika fakulteti, Transport logistikasi yo‘nalishi 4-bosqich talabasi Salimuhammadov Islom Karimov nomidagi davlat stipendiyasi sohibi bo‘ldi.
Jamshidbek 2003 yilda Farg‘ona viloyatining Rishton tumanida tug‘ilgan. 2021 yilda Andijon mashinasozlik institutida transport va logistika fakulteti "Transport logistikasi" ta’lim yo‘nalishi bo‘yicha davlat granti asosida o‘qishga qabul qilindi.
O‘qish davrida Jamshidbek o‘zining namunali xulq-atvori, yaxshi xulqi, tashkilotchilik qobiliyati va bilimi bilan tengdoshlari orasida munosib hurmat qozongan.
U nafaqat institutda, balki viloyat, respublika va xalqaro miqyosda o‘tkazilayotgan ma’naviy-ma’rifiy tadbirlar, ilmiy-amaliy anjumanlarda faol ishtirok etmoqda. Turli tanlovlar g‘olibi, jumladan, 2021-2022 o‘quv yilida Andijon mashinasozlik institutida o‘tkazilgan oliy matematika olimpiadasi va "2024 yilning eng faol talabasi" ko‘rik-tanlovining "O‘z mutaxassisligi bo‘yicha yilning eng bilimli talabasi" nominatsiyasi g‘olibi.
Institut rektori va taniqli olim, professor I.Ermatov nomidagi stipendiat.
Hozirda O‘zbekiston yoshlar ittifoqi Andijon mashinasozlik institutining boshlang‘ich tashkiloti harbiy-vatanparvarlik loyihalari koordinatori, shuningdek, Yoshlar akademiyasining avtomobilsozlik va transport fakulteti yetakchisi.
Jamshidbek tashabbusi bilan institutda "Tadbirkor yoshlar" klubi tashkil etilib, yoshlarda tadbirkorlik ko‘nikmalarini shakllantirish bo‘yicha turli seminar-treninglar o‘tkazilmoqda.
Jamshidbek Solimuxammedov tomonidan "Logistik kompaniyaning transport va texnologik sxemasini tanlash uchun dasturiy mahsulot" nomli dastur ishlab chiqilgan va ro‘yxatdan o‘tkazilgan.
Institut jamoasi va talabalari nomidan Jamshidbekni ushbu muvaffaqiyat bilan tabriklaymiz, keyingi o‘qish va ishda omad va muvaffaqiyatlar tilaymiz!
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
