Andijon mashinasozlik instituti Mashinasozlik texnologiyasi fakultetida 11-16-noyabr kunlari “Yangi O‘zbekistonning istiqbolli yoshlari” mavzusida o‘tkazilgan talabalar ilmiy-amaliy anjuman haftaligi yakuniga bag‘ishlangan tadbir o‘tkazildi.
Tadbirda institut ilmiy va innovatsiya ishlari bo‘yicha prorektori Ulug‘bek Madrahimov so‘zga chiqib, anjuman maqsadiga to‘xtalar ekan, haftalik davomida talabalarning olib borgan ilmiy-ijodiy izlanishlari va tadqiqotlari natijalari keng targ‘ib etilayotgani, ularning ilm-fan rivoji yo‘lidagi ezgu intilishlari rag‘batlantirilayotgani va qo‘llab-quvvatlanayotganini alohida ta’kidladi.
Qayd etish lozim, haftalik doirasida ikkinchi, uchinchi va to‘rtinchi bosqichlarda tahsil olayotgan mingdan ortiq talabalar ishtirok etdi.
Qatnashchilar o‘z yo‘nalishlari bo‘yicha qiziqarli ma’ruza va ma’lumotlar tayyorlab, dolzarb iqtisodiy va ijtimoiy muammolar bo‘yicha bahs-munozaralar uyushtirdilar. Talabalar tomonidan ijobiy baholangan ma’ruzalar mualliflari g‘oliblikni qo‘lga kiritdilar.
Tadbir davomida har bir fakultetdan bir nafar talabaning dolzarb mavzudagi taqdimotlari eshitildi.
Yakunda haftalik doirasida eng yaxshi deb topilgan ishlar egalari va faol ishtirokchilarga diplom hamda esdalik sovg‘alari topshirildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
