O‘zbekiston Respublikasi Konstitutsiyasining 79-moddasida davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilinishini ta’minlashi, ularning jamiyat va davlat hayotida faol ishtirok etishini rag‘batlantirishi belgilangan.
Shuningdek, ushbu moddaning ikkinchi qismida yoshlarning intellektual, ijodiy, jismoniy va axloqiy jihatdan shakllanishi hamda rivojlanishi uchun, ularning ta’lim olishga, sog‘lig‘ini saqlashga, uy-joyga, ishga joylashishga, bandlik va dam olishga bo‘lgan huquqlarini amalga oshirish uchun shart-sharoit yaratishi mustahkamlanib qo‘yilgan.
Andijon mashinasozlik institutida Konstitutsiya qabul qilinganligining 32-yilligi munosabati bilan "Yoshlar huquqlarini himoya qiluvchi Konstitutsiya" mavzusida ma’naviy-ma’rifiy tadbir o‘tkazildi.
Tadbirda Bosh qomusimiz asosida mamlakatimizda yoshlarga yaratilayotgan sharoitlar va imkoniyatlar haqida so‘z bordi.
Qayd etish lozim, institutda yil davomida iste’dodli va shijoatli yoshlarni kashf etish va ularni rag‘batlantirish maqsadida muntazam ravishda turli ko‘rik-tanlov, sport musobaqalari va bellashuvlar o‘tkazib kelinmoqda.
Tadbir davomida “Yil talabasi” respublika ko‘rik-tanlovining institut bosqichi, “Munozara” musobaqasi, “Zakovat” intellektual o‘yini, “Talabalar teatr studiyasi”, “Zukko kitobxon”, “Inson huquqlari bilimdonlari”, “Ma’rifat maydoni” ko‘rik-tanlovlari g‘olib va sovrindorlari diplom hamda esdalik sovg‘alari bilan taqdirlandi.
Shuningdek, o‘zining namunali xulqi, faolligi va jamoat ishlaridagi tashabbuskorligi uchun bir guruh talabalarga institut rektorining tashakkurnomalari topshirildi.
Bayram tadbirida yangragan Vatanni, yoshlik, sevgi-muhabbatni madh etuvchi kuy va qo‘shiqlar davraga o‘zgacha fayz bag‘ishladi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
