Andijon mashinasozlik instituti Intelektual boshqaruv va kompyuter tizimlari fakultetining Mexatronika va robototexnika yo‘nalishida tahsil oluvchi bir guruh iqtidorli talabalari Xamidullo Karimov, Ziyodillo Muminov, Abdulatif Karimberdiyev, Abdullajon Maxmudov, Asrorbek Obidovlar Buyuk Pyotr nomidagi Sankt-Peterburg Politexnika Universiteti tomonidan tashkil etilgan "Muhandislik fanlari bo‘yicha Qishki maktab"da ishtirok etmoqda.
Ushbu muhim ilmiy tadbir xalqaro miqyosdagi hamkorlikni rivojlantirish va ishtirokchilarga zamonaviy bilim va tajribalarni egallash imkonini beradi.
Qishki maktabning asosiy afzalliklari:
• Muhandislik fanlari bo‘yicha zamonaviy bilimlar: Ilg‘or texnologiyalar va metodologiyalarga asoslangan o‘quv dasturi orqali talabalar nazariy bilimlarini amaliyot bilan boyitadilar.
• Xalqaro ilmiy hamkorlik: Turli davlatlardan kelgan talabalar va yetakchi mutaxassislar bilan muloqot qilish hamda tajriba almashish imkoniyati.
• Buyuk Pyotr Politexnika Universitetining ilmiy muhitida ishtirok: Talabalar universitetning laboratoriyalari va ilmiy markazlarida ishlash tajribasini orttiradilar.
Mazkur safar nafaqat talabalarning individual rivojlanishiga, balki ularning kelajakdagi ilmiy va amaliy faoliyatiga ijobiy ta’sir ko‘rsatadi. Bu orqali ular xalqaro standartlarga mos muhandislik ko‘nikmalariga ega bo‘lishadi va institutimiz nufuzini yuksaltirishga hissa qo‘shadilar.
Ushbu qishki o‘quv mashg‘ulotlari 8-dekabrgacha davom etadi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
