3-dekabr – Xalqaro nogironlar kuni munosabati bilan Andijon mashinasozlik institutida "Shukronalik - hayotdagi mening shiorim" mavzusida madaniy-ma’rifiy bayram tadbiri o‘tkazildi.
Unga institutda faoliyat yuritayotgan va tahsil olayotgan imkoniyati cheklangan shaxslar taklif qilindi.
Tadbirda mamlakatimizda nogironligi bo‘lgan fuqarolarni ijtimoiy muhofaza qilish, muammolarini bartaraf etish, turmush sharoitlarini yaxshilash borasida keng ko‘lamli ishlar olib borilayotganligi alohida ta’kidlandi. Shuningdek, inson qadrini ulug‘lash, aholini ijtimoiy muhofaza qilish, ayniqsa, nogironligi bo‘lgan fuqarolarga alohida e’tibor va amaliy g‘amxo‘rlik ko‘rsatilayotgani yangi tahrirdagi Konstitutsiyada belgilangan “O‘zbekiston – ijtimoiy davlat” tamoyiliga hamohang ekanligi qayd etildi.
Bayram tadbirida O‘zbek milliy maqom san’ati markazi viloyat hududiy bo‘limi maqom ansamblining san’atkorlari tomonidan namoyish etilgan konsert dasturi barchaga xush kayfiyat ulashdi.
Tadbir davomida bir qator faol ishchilar Xodimlar va talabalar kasaba uyushma qo‘mitasi tomonidan esdalik sovg‘alari bilan taqdirlandilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
