Andijon mashinasozlik instituti Avtomobilsozlik va transport hamda Iqtisodiyot fakultetlari binosida O‘zbekiston Respublikasi Konstitutsiyasi qoidalari va tamoyilarini o‘rganish bo‘yicha olimpiada bo‘lib o‘tdi.
“Konstitutsiya — xalqchil davlat, barqaror taraqqiyot va farovon hayot asosi!” degan bosh g‘oyani o‘zida mujassam etgan olimpiadada ikki kun davomida yuzga yaqin talabalar ishtirok etdi. Ishtirokchilar test, yozma va og‘zaki shakllarda o‘z bilimlarini sinovdan o‘tkazishdi.
Yakuni natijalarga ko‘ra, Avtomobilsozlik va transport fakulteti Transport vositalari muhandisligi yo‘nalishi 1-bosqich talabasi Diyorbek Xoshimov yuqori ball to‘plab, g‘oliblikni qo‘lga kiritdi. Magistratura bo‘limi Iqtisodiyot mutaxassisligi 1-bosqich talabasi Rahmatillo Abdumalikov hamda Avtomobilsozlik va transport fakultetining Transport logistika yo‘nalishi 4-bosqich talabasi Xudoybergan Xudoynazarovlar mos ravishda ikkinchi va uchinchi o‘rinlarni egalladi.
G‘oliblar Konstitutsiya kuni munosabati bilan o‘tkaziladigan bayram tadbirida taqdirlanadi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
