Unda Andijon mashinasozlik instituti hamda Yoshlar Ittifoqi boshlang‘ich tashkiloti hamkorligida tashkil etilgan tadbirda maktabning faxriy ustozlari, o‘qituvchilar va o‘quvchilar ishtirok etdi.
Tadbirda so‘z olgan Yoshlar masalalari va ma’naviy-ma’rifiy ishlar bo‘yicha birinchi prorektori, iqtisod fanlari nomzodi Akmaljon Ermatov so‘zga chiqib, ushbu maktabda ta’lim olganligini bildirib, bolalik va yoshlar davlari, ilm yo‘lida erishgan yutuqlari haqida ishtirokchilarga so‘zlab berdi.
Shuningdek, iste’dodli va iqtidorli o‘quvchi yoshlarni qo‘llab-quvvatlash maqsadida o‘z hisobidan stipendiya ta’sis etilishini va har chorakda eng ko‘p kitob o‘qigan o‘quvchilar rag‘batlantirilishini e’lon qildi. Talabalar ishtirokidagi madaniy dastur ham o‘quvchi yoshlarga qo‘yib berildi.
Tadbir davomida institutda tashkil etilgan "Nihol" talabalar teatr-studiyasi tomonidan Erkin Xushvaqtovning "Qirmizi olma" spektakli o‘quvchilarga namoyish etildi.
Iqtidorli talabalar tomonidan ijro etilgan she’r va kuy-qo‘shiqlar davraga o‘zgacha fayz bag‘ishladi.
Tadbir so‘ngida maktab kutubxonasiga kitoblar sovg‘a qilindi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
