Andijon mashinasozlik institutida talaba-qizlar o‘rtasida “To‘maris izdoshlari” ko‘rik tanlovi o‘tkazildi.
Tanlov talaba-qizlar ongida tariximiz, milliy an’analarimiz va urf-odatlarimizga chuqur hurmat va ehtiromini yuksaltirish, hayotda doimo g‘alabaga intilish va yuksak vatanparvarlik tuyg‘usini shakllantirish, qizlarda qat’iyat, iroda va shukronalik hamda o‘z Vataniga va ilm-fanga bo‘lgan mehr-sadoqat hissini oshirish maqsadida tashkil etildi.
Unda Mashinasozlik texnologiyasidan Ismigul Yusufjonova, Intellektual boshqaruv va kompyuter tizimlari fakultetidan Sarvinoz Ergasheva, Elektrotexnika fakultetidan Parizoda Mirzajonova, Avtomobilsozlik va transport fakultetidan Maftuna Mirzayeva hamda Iqtisodiyot fakultetidan Mohinur Abdusalomovalar uchta shart bo‘yicha bellashdilar.
Tanlovda ishtirokchilarni Andijon shahridagi harbiy qism harbiylari Qahramon Turdiyev, Abbos Hamidov, rektor maslahatchilari Anvar Islamov hamda Muxtaramxon Xaliqova hamda institut psixologi Sevara Madaminovalar baholab bordi.
Yakuniy natijalarga ko‘ra, Ismigul Yusufjonova g‘oliblikni qo‘lga kiritib, “To‘maris izdoshi” nomiga munosib deb topildi.
Sarvinoz Ergasheva va Parizoda Mamajonovalar esa ikkinchi hamda uchinchi o‘rinlar nasib qildi.
G‘oliblar 8-dekabr – Konstitutsiyamiz qabul qilinganligining 32-yilligi tantanalari arafasida taqdirlanadi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
