Muhammad Al-Xorazmiy nomidagi ixtisoslashtirilgan maktabida Raqamli Avlod IT 2024 haftaligi doirasida Respublika robototexnika musobaqalari o‘tkazildi.
Musobaqalarning RoboSumo hamda RoboPoyga yo‘nalishlarida Andijon mashinasozlik instituti talabalari ham ishtirok etdi.
Tanlov o‘tkazishdan ko‘zlangan maqsad robototexnika sohasidagi iqtidorli yoshlarning ilmiy-texnikaviy ijodini ommalashtirish, muhandislik kasblari nufuzini oshirish, yoshlarning innovatsiya va zamonaviy texnologiyalar sohalariga qiziqishini rag‘batlantirishdan iborat hisoblanadi.
Yakuniy natijalarga ko‘ra, talabalarimiz Robo-Sumo. Avtonom mobil robotlar musobaqasi (“Robo-Sumo” radio boshqaruvsiz)da g‘oliblik shohsupasidagi barcha o‘rinlarni egallashdi.
Jumladan, Texnologik jarayonlar va ishlab chiqarishni avtomatlashtirish va boshqarish yo‘nalishi talabalari Abdulaziz Sharobiddinov birinchi, Oyatillo Abdurahimov va Boburjon Qurbonovlar ikkinchi hamda uchinchi o‘rinlarni qo‘lga kiritishdi.
Institut jamoasi talabalarimizni erishgan muvaffaqiyatlari bilan qutlab, kelgusida yanada yuqori marralarni zabt etishlariga omad tilab qoladi.