Talabalarning bo‘sh vaqtini mazmunli o‘tkazish hamda ularni ommaviy sportga jalb qilish maqsadida tashkil etilgan bellashuvlarda fakultetlardan eng kuchli jamoalar ishtirok etdi.
Qizg‘in va murosasiz kechgan bahslar yakuniga ko‘ra, yigitlar o‘rtasida g‘oliblik va keyingi bosqichga yo‘llanma Mashinasozlik texnologiyasi fakulteti jamoasiga nasib qildi. Elektrotexnika hamda Intellektual boshqaruv va kompyuter tizimlari fakultetlarining jamoalari ikkinchi va uchinchi o‘rinlarni egalladi.
Qizlar o‘rtasidagi bahslarda esa Intellektual boshqaruv va kompyuter tizimlari fakulteti qizlarining qo‘li baland keldi. Shohsupaning ikkinchi va uchinchi o‘rinlari esa Mashinasozlik texnologiyasi hamda Avtomobilsozlik va transport fakulteti jamoalariga nasib qildi.
