Unda viloyatdagi davlat va nodavlat oliy ta’lim muassasalarining rektorlari hamda prorektorlari ishtirok etdi.
Yig‘ilishda dastlab Oliy ta’lim, fan va innovatsiyalar vazirining joriy yil 5-noyabrdagi buyrug‘iga asosan hududlarni ijtimoiy-iqtisodiy rivojlantirishda oliy ta’lim muassasalari professor-o‘qituvchilari, magistrlar hamda doktorantlar ishtirokini yanada kengaytirish maqsadida tuzilgan Respublika ishchi guruhi tomonidan olib borilgan o‘rganishlar muhokama qilindi.
Yig‘ilishda hududdagi yoshlarning ilmiy va innovatsion ishlanmalarini amaliyotga joriy qilish maqsadida loyihalar prototiplarini ishlab chiqish, korxonalar bilan dual ta’limni yo‘lga quyish, viloyatda ishlab chiqarilayotgan mahsulot turlarini kengaytirish bo‘yicha ilmiy-tadqiqot ishlarini olib borish, aholida boqimondalikdan qutulish va ilm olish orqali kambag‘allikdan qutulishga qaratilgan qarashlarni shakllantirish, hududdagi ijtimoiy-iqtisodiy masalalarini hal etishga qaratilgan oliy ta’lim muassasalaridagi bitiruv malakaviy ishlari hamda magistrlik dissertatsiyalarning qamrovini oshirish kabi o‘nlab masalalar muhokama qilindi.
Yakunda Andijon viloyatidagi oliy ta’lim muassasalarining hududni ijtimoiy-iqtisodiy rivojlantirishdagi faoliyatini takomillashtirish yuzasidan chora-tadbirlar rejasini ishlab chiqish bo‘yicha topshiriqlar berildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
