Joriy yilning 22-aprel – 15-iyun kunlari Sport vazirligi hamda Oliy ta’lim, fan va innovatsiyalar vazirligi hamkorligida oliy ta’lim muassasalarining 18-29 yoshdagi talabalari “Jismoniy tayyorgarlik darajasi” sport sinovlaridan o‘tkazildi.
Unda respublikamizdagi 212 ta Oliy ta’lim muassasalarining 150 tasida sport sinovlarini qabul qilish jarayonlari tashkil etilib, ularda tahsil olayotgan 155 ming nafar talabalar sport sinovlarini topshirish istagini bildirgan. Ularning 141 ming nafaridan sport sinovlari qabul qilindi. Sport sinovlarini topshirgan talabalardan 115 ming nafari natija qayd etgan. Shundan 2300 nafardan ziyodi Andijon mashinasozlik instituti talabalari.
Sport vazirligi tomonidan eng yaxshi natijalarni qayd etganligi uchun 103 ta oliy ta’lim muassasalarining 396 nafar talabalari I, II va III-darajali “Jismoniy tayyorgarlik darajasi” ko‘krak nishonlari bilan, 149 ta oliy ta’lim muassasalarining 836 nafar talabalari sport formalari bilan taqdirlandi.
Quvonarlisi, Elektrotexnika fakulteti 2-bosqich talabasi Abdulaziz Sotvoldiyev II-darajali “Jismoniy tayyorgarlik darajasi” ko‘krak nishoni, shuningdek yana olti nafar talabamiz sport formalari bilan taqdirlandi.
Kuni kecha Andijon mashinasozlik instituti "Talaba" sport klubi tomonidan sovg‘lar o‘z egalariga topshirildi.
