Andijon mashinasozlik institutida Islom Karimov nomidagi Toshkent davlat texnika universiteti rektori, akademik, texnika fanlari doktori, professor Sadritdin Turobjonovning talaba yoshlar bilan uchrashuvi bo‘lib o‘tdi.
Tadbirni ochib bergan institut rektori, texnika fanlari doktori Umid Turdialiyev akademik Sadritdin Turobjonovning ilmiy faliyati, olib borgan ilmiy-tadiqqotlari va ularning natijalari to‘g‘risida ma’lumotlar berdi.
Qayd etish lozim, akademikning ilmiy faoliyati og‘ir organik sintez mahsulotlari texnologiyalari va kam chiqindili texnologiyalar sohasida ixtirolar yaratishga qaratilgan. Organik kimyoning uglevodorodlar va ularning hosilalari asosida murakkab efirlar olishning kam chiqindili texnologiyalarini yaratish bo‘yicha olimning alohida o‘rni bor.
Tadbirda Sadriddin Turobjonov oliy ta’lim islohotlarining ahamiyati va natijalari, yoshlar uchun yaratilayotgan sharoitlar xususida so‘z yuritib, o‘zining tavsiya va maslahatlarini berdi hamda o‘zining tajribasi bilan o‘rtoqlashdi.
Tadbirda ishtirokchilar tomondan berilgan savollarga batafsil javob berildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
