O‘tgan hafta Toshkent shahrida InnoWeek-2024 xalqaro innovatsion g‘oyalar haftaligi doirasida “Innovatsion g‘oyalar yetakchisi” tanlovi g‘oliblarini taqdirlash marosimi bo‘lib o‘tdi.
Oliy ta’lim, fan va innovatsiyalar vaziri K.Sharipov hamda Innovatsion rivojlanish agentligi direktori Sh.Rajabbayev eng yuqori ball to‘plagan 14 nafar nomzodga sovg‘a va mukofotlarni topshirdi va ko‘krak nishoni bilan taqdirlangan yosh innovatorlarni tabriklab, kelgusi faoliyatida ulkan muvaffaqiyatlar tiladi.
Sovrindorlar ko‘krak nishoni, statuetka va 7,5 million so‘m miqdoridagi pul mukofoti bilan taqdirlanishdi.
Quvonarlisi, g‘oliblar qatorida Andijon mashinasozlik instituti Texnologik mashinalar va jixozlar kafedrasi dotsenti Xalimjon Xoshimov ham bor.
Institut jamoasi va talabalari nomidan Xalimjon Xoshimovni ushbu mukofot bilan chin dildan tabriklab, kelgusidagi ilmiy va hayotiy faoliyatiga omad hamda zafarlar tilab qolamiz.
Maʼlumot uchun, shu kunga qadar ushbu koʻkrak-nishoniga institutimizda 2022-yilda Boymirzayev Akbarjon Rustamjon oʻgʻli hamda 2023-yilda Yoʻldoshev Shuhratbek Habibullo oʻgʻli sazovor boʻlgan.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
