Bugun mamlakatimiz bo‘ylab qutlug‘ bayram – Davlat bayrog‘imiz qabul qilingan kun keng nishonlanmoqda. Mustaqil O‘zbekiston ramzi bo‘lgan bayrog‘imiz dunyo uzra hilpiray boshlaganiga 33 yil to‘ldi.
Ushbu kun Andijon mashinasozlik institutida ham ko‘tarinki ruhda, turli tadbirlar va qiziqarli dasturlar bilan nishonlanmoqda.
Bayram munosabati bilan institut jamoasi tomonidan milliy bayrog‘imiz o‘rnatilgan avtoulovlar karvoni tashkil qilindi. Karvon Andijon shahri bo‘ylab harakatlandi.
Talabalarimiz va professor-o‘qituvchilar bayroq ramzi ostida birlik va faxr tuyg‘ularini namoyon etishdi.
Albatta, bu kabi tadbirlar nafaqat yoshlar, balki har qanday kishi qalbida vatanparvarlik va faxr-iftixor tuyg‘ularini kuchaytirishga xizmat qiladi.
Bayrog‘imiz — bizning g‘ururimiz va mustaqilligimiz timsoli!
Bayramingiz muborak bo‘lsin!
