Yangiliklar

"Davlat bayrog‘i - o‘tmish, bugun va kelajagimizning yorqin timsoli" mavzusida davra suhbati o‘tkazildi.

Davlat ramzlari tarixda doimo ulug‘ va muqaddas hisoblab kelinadi. Xususan, mustaqilligimiz timsoli – milliy bayrog‘imiz o‘zida xalqimizning asriy orzu-istaklari, g‘ayrati va shijoatini mujassam etgan.

Andijon mashinasozlik instituti Avtomobilsozlik va transport fakultetida "Davlat bayrog‘i - o‘tmish, bugun va kelajagimizning yorqin timsoli" mavzusida o‘tkazilgan davra suhbatida ham ayni shular haqida so‘z yuritildi.

Tadbirda institutning yoshlar bilan ishlash, ma’naviyat va ma’rifat bo‘limi boshlig‘i, Respublika ma’rifat targ‘ibotchilar jamiyati a’zosi Muxtaramxon Xaliqova, fakultet dekani Dilyorbek Mo‘ydinov, Yoshlar bilan ishlash bo‘yicha dekan o‘rinbosari Gulsoraxon Yusupovalar bayroq har bir xalq va millatning shonli o‘tmishi, buyuk kelajagi, an’ana va azaliy urf-odatlarini o‘zida aks ettirishini ta’kidladi.

Tadbirda talabalar tomonidan bayroqni, Vatanni madh etuvchi she’rlar aytildi.