Unda viloyat hokimligi,viloyat boshqarmalari, viloyatdagi harbiy qismlar, ichki ishlar, milliy gvardiya, o‘quvchi va talaba yoshlar, uyushmagan yoshlar vakillari va keng jamoatchilik vakillari qatnashdi.
Ushbu tadbirda Andijon mashinasozlik instituti rektori Umid Turdialiyev boshchiligida institut professor-o‘qituvchilari hamda talabalari ishtirok etdi.
Tadbirda so‘z olganlar yurtimiz bayrog‘i nafaqat O‘zbekiston Respublikasi davlat ramzi, balki xalqimizning, shu yurtda tug‘ilib, shu zaminning mehridan qonib yashayotgan turli millat va elatlarning tinchligi, hamjihatligi timsoliga aylanganligi, u yurtdoshlarimiz qalbiga faxr-iftixor tuyg‘usini solib, ularning tinchlikka, ezgulikka, ertangi kunga umid va ishonchini mustahkamlashga xizmat qiluvchi muqaddas ramz ekanligini ta’kidladilar.
Tadbirda harbiy orkestr tomonidan ijro etilgan musiqiy ohanglar barchaga bayramona kayfiyat bag‘ishladi.
Tadbir yakunida kuch tuzilmalari hamda keng jamoatchilik vakillari ishtirokida parad bo‘lib o‘tdi.
Yurtimiz bayrog‘i qabul qilinganligining o‘ttiz uch yilligiga bag‘ishlangan bu kabi tadbirlar Andijonning barcha tuman va shaharlarida yuqori ko‘tarinkilik bilan bo‘lib o‘tmoqda.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
