Andijon mashinasozlik institutida "O‘zbekistonda avtomobil transportini rivojlantirish istiqbollari: loyihalash, ishlatish va logistika" mavzusida xalqaro ilmiy-texnik anjuman o‘tkazildi.
Unda respublikamizdagi yetakchi oliy ta’lim muassasalari bilan bir qatorda Rossiya Federatsiyasi, Hindiston, Qirg‘iziston, Tojikiston, Janubiy Koreya, AQSH mamlakatlarida faoliyat yuritayotgan universitetlarning professor-o‘qituvchilari va boshqa bir qator ilmiy tadqiqot institutlarining yetuk olimlari hamda tadqiqotchilari ishtirok etishdi.
Anjuman davomida avtomobil yo‘llari tarmog‘i va uning rivojlanish istiqbollari, avtomobilsozlik, transport ekologiyasi, transport logistikasi va xavfsiz harakatni tashkil etish va boshqarish mavzulari yuzasidan ma’ruzalar tinglandi.
Shuningdek, viloyat transport, ichki ishlar boshqarmasi jamoat xavfsizligi xizmati yo‘l harakati xavfsizligi hamda avtomobil yo‘llari bosh boshqarmalarining boshliqlari o‘z yo‘nalishlari bo‘yicha Andijon viloyatida amalga oshirilayotgan ishlar, yuzaga kelayotgan muammolar haqida fikr-mulohazalarini bildirdilar.
Anjumanda ko‘tarilgan masalalar yuzasidan soha ishlar samaradorligini oshirish, ilg‘or, innovatsion g‘oya va loyihalarni amaliyotga tatbiq etish, xorijiy tajriba va ish uslublarini ommalashtirish yuzasidan taklif, fikr va mulohazalar o‘rtaga tashlandi.
Kunning ikkinchi yarmida konferensiya shu’balarga bo‘lingan holda davom etdi.
Anjuman so‘nggida sohada yutuqlarga erishayotgan va ilmiy-tadqiqot ishlarni olib borayotgan bir qator professor-o‘qituvchilar va izlanuvchilar Sertifikat bilan taqdirlandi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
