Andijon mashinasozlik instituti Elektrotexnika fakultetida 18-noyabr – O‘zbekiston Respublikasi Davlat bayrog‘i qabul qilinganining 33-yilligi munosabati bilan “Bayrog‘im – ardog‘im mening” mavzusida ma’naviy-ma’rifiy tadbir bo‘lib o‘tdi.
Unda institut ma’naviy va ma’rifiy ishlar bo‘yicha birinchi prorektori Akmaljon Ermatov, Institut xotin-qizlar bo‘yicha rektor maslahatchisi Muhtaramxon Nabiyeva, fakultet dekan o‘rinbosari Jasurbek Ashurboyev va professor-o‘qituvchilari ishtirok etdi. Tadbirda so‘z olganlar, bayrog‘imiz yurtimizning musaffo osmoni, xalqimizning ezgu niyati, qalblarimizga cheksiz g‘urur va iftixor bag‘ishlovchi muqaddas ramz ekanligi, uni hamisha e’zozlashimiz lozimligini ta’kidladi.
Shuningdek, tadbirda Kimyo va kimyoviy texnologiyalar kafedrasi Neft va neft-gazni qayta ishlash va Kimyo muhandisligi yo‘nalishlari birinchi va ikkinchi bosqich talabalaridan iborat "Al-ximiklar" jamoasi tomonidan ijro etilgan bayrog‘imizni tarannum etuvchi vatanparvarlik ila yo‘g‘rilgan she’rlar, qo‘shiqlar va raqslar yig‘ilganlarga haqiqiy bayramona ruh va ko‘tarinki kayfiyat baxsh etdi.
Tadbir so‘ngida faol ishtirok etgan talabalar fakultet dekanining diplom va esdalik sovg‘alari bilan taqdirlandi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
