Andijon mashinasozlik instituti Avtomobilsozlik fakultetida "Yosh mutaxassislar uchun amaliyot dasturlari" mavzusida davra suhbati o‘tkazildi.
Unda Xalqaro ta’lim bo‘yicha Amerika kengashlarining O‘zbekistondagi dasturlari koordinatori Aziza Nuriddinova qatnashib, Young Professional Internships Progra dasturi haqida ma’lumot berdi.
Ushbu dastur yosh mutaxassislar uchun 12 haftalik yozgi amaliyot dasturi boʻlib, amaliyotchilarga jamoada ishlash, malaka oshirish tadbirlarida qatnashish, soha yetakchilari bilan muloqot qilish va tengdoshlar tarmogʻiga kirish imkonini beradi.
Malaka oshirish dasturini muvaffaqiyatli tamomlagan amaliyotchilar XXI asrning raqobatbardosh ishchi kuchiga kirishga tayyorlanar ekan, amaliy ish tajribasi va xalqaro biznes amaliyotlari haqida koʻproq tushunchaga ega boʻladilar.
Dastur STEM sohasida ishlashni reja qilayotgan, OTM 3-4-kurs talabalari uchun moʻljallangan va ingliz tilida olib boʻlib oʻtadi. Amaliyotlar Toshkent shahrida tashkil etiladi.
Dastur AQShning Toshkentdagi elchixonasi tomonidan moliyalashtiriladi va Amerika Kengashlari tomonidan amalga oshiriladi.
Uchrashuv mobaynida ishtirokchilar o‘zlarini qiziqtirgan savollarga javoblar oldilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
