Andijon mashinasozlik institutida Andijon shahridagi “Uz-Koram Ko.” mas’uliyati cheklangan jamiyati bosh direktori Anvar Hasanovning bitiruvchi bosqich talabalari bilan uchrashuv o‘tkazildi.
Uchrashuvda ming nafardan ortiq ishchi mehnat qilayotgan korxona tarixi, faoliyat ko‘rsatish sohasi, kadrlarga bo‘lgan talab, ishlab chiqarish jarayonlari haqida batafsil ma’lumotlar berildi.
Qayd etish lozim, bugungi kunda korxonada yengil avtomobillar uchun bamperlar, instrumental panellar, eshik qoplamalari, zarba yutkichlar ishlab chiqariladi.
Korxonada yangi loyihalarning amalga oshirilishi natijasida ishlab chiqarish hajmi yildan-yilga ortmoqda. Bu esa salohiyatli kadrlarga bo‘lgan talabning ham ortishiga xizmat qilmoqda.
Uchrashuvda ishlab chiqarishdagi mavjud muammolarni institut bilan birgalikda ilmiy yondashuv asosida yechimlar topish va talabalar amaliyotini tashkil etishdagi mavjud kamchiliklarni bartaraf etish kabi masalalar ham muhokama etildi.
Uchrashuv davomida institut o‘quv ishlari bo‘yicha prorektori Suhrobjon Aliyev hamda korxona bosh direktori Anvarjon Hasanov korxonada talabalar amaliyotini tashkil etish, dual ta’lim jarayonlarini yo‘lga qo‘yish yuzasidan kelishuv imzolandi.
Tadbir davomida talabalar o‘zlarini qiziqtirgan savollariga mas’ullardan javob oldilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
