Davlatimiz rahbarining aholi o‘rtasida sportning ommaviyligini ta’minlash va sog‘lom turmush tarzini targ‘ib qilish bo‘yicha bergan topshiriqlariga asosan Andijon mashinasozlik institutida «Sog‘lom hayot uchun rektor bilan 5000 qadam» shiori ostida ommaviy yurish marafoni uyushtirildi.
Avtomobilsozlik fakulteti binosidan start berilgan yurish marafonida institutning yuz nafardan ortiq rahbar-xodimlari, professor-o‘qituvchilar va talaba-yoshlar ishtirok etdilar.
Marafonda barcha talabalarning jismoniy faollik ko‘rsatayotgani quvonarli.
Ma’lumki, yurish barcha sport turlari orasida eng osoni va qulayi hisoblanadi. Buning uchun juda ko‘p energiya sarflashning hojati yo‘q, ijobiy ta’siri esa juda yuqori.
Mutaxassislarning ma’lum qilishicha, haftada atigi 2,5 soatlik jismoniy faollik erta o‘lim holatlarini 28 foizga, yurak kasalliklari ehtimolini esa 20 foizga kamaytirar ekan. Ya’ni, haftada kamida 150 daqiqa jismoniy faol bo‘lgan insonlar kamroq harakatlanadiganlarga qaraganda sog‘lomroq hisoblanadi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
