Yangiliklar

Uchinchi renessans - yoshlar nigohida

Andijon mashinasozlik instituti Axborot-resurs markazida «Uchinchi renessans - yoshlar nigohida» mavzusida loyihalar seminari o‘tkazildi. 

Unda Intellektual boshqaruv va kompyuter tizimlari fakulteti Axborot texnologiyalari kafedrasi dotsenti Erkin Qo‘ldashev, Mashinasozlik ishlab chiqarishni avtomatlashtirish kafedrasi  professor-o‘qituvchilari Alimardon  Xoliqov va Elyorbek Safarovlar ishtirok  etdi. 

Ma’ruzachilar institutda ta’lim samaradorligi va talaba–yoshlarning ilmiy savodxonligini oshirish, qulay shart-sharoitlar yaratish, ularning tashabbuslarini qo‘llab–quvvatlash, iqtidorlarini ro‘yobga chiqarish, raqobatbardosh, malakali, yuksak ma’naviyatli kadrlarni tarbiyalash, yangi g‘oya va innovatsion loyihalarni ishlab chiqishlariga ko‘maklashish borasida amalga oshirilayotgan ishlar haqida fikr-mulohazalarini bildirdilar.

Shuningdek, qanday qilib ilmiy loyihalarni tayyorlash va hayotga tatbiq etish bo‘yicha maslahat va tavsiyalarini berdilar. 

Seminarda Intellektual boshqaruv va kompyuter tizimlari fakulteti Mexatronika va robototexnika yo‘nalishi 2-bosqich talabasi  Ahrorbek  Raximov  o‘zi tomonidan  yaratilayotgan  texnik  ishlanma va uning ilmiy jihatlari to‘g‘risida batafsil tushunchalar berdi.