Andijon mashinasozlik institutida "Talabalar ligasi" hamda "Besh tashabbus olimpiadasi" doirasidagi musobaqalar qizg‘in va murosasiz, kutilmagan vaziyatlarga bo‘y o‘tmoqda.
Kuni kecha sportning voleybol bo‘yicha institut bosqichi o‘tkazildi.
Talabalarning bo‘sh vaqtini mazmunli o‘tkazish hamda ularni ommaviy sportga jalb qilish maqsadida tashkil etilgan bellashuvlarda yuzga yaqin sportsevar yoshlar ishtirok etdi.
Yigitlar o‘rtasidagi bahslar yakuniga ko‘ra, g‘oliblik va keyingi bosqichga yo‘llanma Transport va logistika fakulteti jamoasi qo‘lga kiritdi. Shohsupaning keyingi o‘rinlari esa Avtomobilsozlik va Elektrotexnika fakultetlarining jamoalariga nasib qildi.
Qizlar o‘rtasidagi bellashuvlarda Intellektual boshqaruv va kompyuter fakulteti jamoasi birinchi, Transport va logistika fakulteti hamda Iqtisodiyot fakultetlarining jamoalari esa ikkinchi va uchinchi o‘rinlarni egalladi.
Qayd etish lozim, shu kunga qadar o‘tkazilgan musobaqalarda Transport va logistika fakulteti talaba yigitlari stritbol hamda mini-futbol, qizlar jamoasi esa stritbol bo‘yicha g‘oliblikni qo‘lga kiritdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
