Andijon mashinasozlik institutida “Respublikamizda va dunyo hamjamiyatida o‘zbek tili va adabiyotining o‘rni, dolzarbligi va rivojlantirish muammolari” mavzusida respublika ilmiy-texnik anjumani o‘tkazildi.
O‘zbek tiliga davlat tili maqomi berilganligining 35-yilligi munosabati bilan tashkil etilgan anjumanda mamlakatimizning nufuzli oliy ta’lim muassasalarining filolog olimlari, tilshunoslar ishtirok etdi.
Anjumanda o‘zbek tilining nufuzini yuksaltirish, xalqimiz ijtimoiy hayotida va xalqaro miqyosdagi obro‘-e’tiborini tubdan oshirish, unib-o‘sib kelayotgan yoshlarimizni vatanparvarlik, milliy an’ana va qadriyatlarga sadoqat, ulug‘ ajdodlarimizning boy merosiga vorislik ruhida tarbiyalash, davlat tilini rivojlantirish borasida amalga oshirilayotgan chora-tadbirlar hamda kelgusidagi muhim vazifalar haqida fikr almashildi.
Anjuman davomida “O‘zbek tilini sohalarda qo‘llanilishi: muammolar va yechimlar”, “Globallashuv sharoitida tillarni o‘qitishning innovatsion strategiyalari”, “Inklyuziv ta‟lim yo‘nalishida xorijiy tillarni o‘qitish muammolari”, “Ta‟lim sohasida raqamli texnologiyalar, zamonaviy yondashuvlar va innovatsiyalar”, “Ijtimoiy-iqtisodiy va texnika sohalarini rivojlantirishdagi muammolar va yechimlar” mavzularida ma’ruzalar eshitildi.
Kunning ikkinchi yarmida konferensiya shu’balarga bo‘lingan holda davom etdi.
Anjuman so‘nggida sohada yutuqlarga erishayotgan va ilmiy-tadqiqot ishlarni olib borayotgan bir qator professor-o‘qituvchilar va izlanuvchilar Sertifikat bilan taqdirlandi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
