Qizlarning bilimli va zukko bo‘lishi oilada sog‘lom muhit shakllanishi va farzandlar tarbiyasida muhim ahamiyatga ega. Biroq, ayrim sabablarga ko‘ra o‘qishga imkon topa olmagan, sharoit taqozosi bilan orzulari armonga aylangan xotin-qizlar talaygina.
Davlatimiz rahbarining 21-fevraldagi “O‘zbekiston — 2030” strategiyasini 2024-yilda amalga oshirishga qaratilgan davlat dasturi to‘g‘risidagi prezident farmoniga ko‘ra, xotin-qizlarning qiziqishlari va intilishlarini munosib rag‘batlantirish maqsadida “Qizlar akademiyasi” platformasini ishga tushirish belgilangan edi.
Ushbu platforma orqali xotin-qizlar tadbirkorlik, marketing, psixologiya kabi zamonaviy kasblarni mobil ilova orqali o‘rganish imkoniyati mavjud.
Andijon mashinasozlik instituti Axborot-resurs markazida "Saylov va yoshlar" targ‘ibot loyihasi doirasida ushbu platformaning targ‘ibotiga bag‘ishlangan uchrashuv o‘tkazildi.
Tadbirda platformani tashkil etishdan maqsad yosh xotin-qizlarning bo‘sh vaqtini mazmunli tashkil etish hamda sog‘lom fikr beradigan manbalarni ko‘paytirishdan iborat ekanligi qayd etildi.
Shuningdek, «Qizlar akademiyasi» loyihasida muvaffaqiyatga erishgan qizlar o‘zlarining yutuqlari haqida ishtirokchilarga so‘zlab berdi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
