Yangiliklar

Bitiruvchilar qo‘shma korxona taqdimoti bilan tanishdi

Andijon mashinasozlik instituti Transport va logistika fakultetida “O‘zavtosanoat” aksiyadorlik jamiyati tarkibidagi “UzSaemyung Co” qo‘shma korxonasi vakillari bilan uchrashuv o‘tkazildi.

Uchrashuv davlatimiz rahbari tomonidan 20-iyunda muhandislik sohalarida kadrlar tayyorlash va oliy ta’lim muassasalari faoliyatini yanada takomillashtirish masalalari yuzasidan o‘tkazilgan videoselektor yig‘ilishida berilgan vazifalar hamda viloyat hokimining topshirig‘i ijrosini ta’minlash va bitiruvchi bosqichda tahsil olayotgan talabalarni ish bilan ta’minlash hamda ularni ish beruvchilar bilan yaqindan tanishtirish maqsadida tashkil etildi.

Tadbirda viloyat hokimining o‘tgan haftada bitiruvchilar bilan o‘tkazgan uchrashuvida bergan topshirig‘iga asosan amalga oshirilayotgan ishlar, korxona bilan hamkorlikda yo‘lga qo‘yilgan dual ta’lim masalalari haqida qisqacha ma’lumot berdi.

Shundan so‘ng mutaxassislar tomonidan korxona faoliyati hamda ishga joylashish tartiblari haqida taqdimot qilindi. Avtosanoat korxonalarida xodimlarni tanlash, kadrlar zaxirasi va boshqalar haqida tushunchalar berildi.

Uchrashuv davomida bitiruvchilar mas’ullardan o‘zlarini qiziqtirgan savollariga javob oldilar.