Andijon mashinasozlik instituti Axborot-resurs markazida Imom at-Termiziy tavalludining 1200-yilligi hamda Maxtumquli tavalludining 300-yilligiga bag‘ishlangan ma’naviy-ma’rifiy tadbir bo‘lib o‘tdi.
O‘zbekiston yozuvchilar hamda Jurnalistlar uyushmalari viloyat bo‘limlari hamkorligida tashkil etilgan tadbirda Intellektual boshqaruv va kompyuter tizimlari fakulteti talabalari ishtirok etdi.
Adabiy-badiiy kechada institut Yoshlar bilan ishlash, ma’naviyat va ma’rifat bo‘limi boshlig‘i Muhtaramxon Xaliqova, Yozuvchilar uyushmasi a’zosi, shoira Barno Obidjon qizi, Jurnalistlar uyushmasi a’zosi, jurnalist Elmira Raxmonova va “Ma’rifat” targ‘ibotchilari jamiyati a’zosi Marg‘ubaxon Xotamovalar mavzu yuzasidan o‘zlarining fikr-mulohazalarini bildirdi.
Ma’ruzachilar tomonidan imom Abu Iso at-Termiziyning hayoti, islom olamida tutgan o‘rni, asarlari haqida ma’lumotlar taqdim etildi.
Shuningdek, turkman shoiri va faylasufi, adabiy turkman tilining asoschisi Maxtumquli Firog‘iy hayoti va ijodi haqida ma’lumotlar berildi. She’r va g‘azallardan o‘qildi.
Tadbir davomida Respublika “Ma’rifat” targ‘ibotchilari jamiyati buyurtmasi asosida nashr etilgan “Men ham harbiy bo‘laman” nomli kitob taqdimoti o‘tkazildi. Ushbu kitobdan bir nechtasi institut axborot-resurs markaziga sovg‘a sifatida topshirildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
