Mamlakatimizda har bir sohani tubdan rivojlantirish hamda shaffof va adolatli muhitni yaratish borasida bir qator huquqiy islohotlar amalga oshirilmoqda. Bundan ko‘zlangan maqsad jamiyatda sodir bo‘ladigan huquqbuzarliklarni oldini olish, shuningdek korrupsiyaga qarshi murosasiz kurashishdan iborat.
Andijon mashinasozlik instituti Elektrotexnika fakultetida Korrupsiyaga qarshi kurashish “komplayens - nazorat” tizimini boshqarish bo‘limi hamkorligida “Korrupsiyaga qarshi kurashish va uni oldini olish” mavzusida profilaktika suhbati tashkil etildi.
Unda soha mutaxassislari tomonidan jamiyat rivojiga to‘siq bo‘luvchi korrupsiya va unga olib boruvchi har qanday huquqbuzarliklarga qarshi birgalikda kurashish lozimligi ta’kidlab o‘tildi. Shuningdek, davlat xizmatchilarida korrupsiyaning oldini olish, manfaatlar to‘qnashuvi va uni bartaraf qilish haqida atroflicha ma’lumot berdi.
Tadbir yakunida talabalar o‘zlarini qiziqtirgan savollarga batafsil javob oldilar. Davra suhbati talabalarda korrupsiyaga qarshi kurashish immunitetini hosil qilish hamda talabalarning korrupsiyaga qarshi kurashishda axloqiy sifatlari bo‘yicha bilimlarini yanada boyitishga xizmat qildi.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
