Andijon mashinasozlik instituti Transport va logistika fakultetida faxriy professor-o‘qituvchilar hamda talabalar ishtirokida «Uch avlod uchrashuvi» o‘tkazildi.
Unda faxriy professor-o‘qituvchilar - Buxgalteriya hisobi va menejment kafedrasi dotsenti Martaboxon Dadajonova, Mehnat muhofazasi kafedrasi dotsenti Abdurashid Abdurahmonov, Transport vositalari muhandisligi kafedrasi katta o‘qituvchisi Rustamjon Oxunov hamda institutning korrupsiyaga qarshi kurashish va komplayens nazorat bo‘limi boshlig‘i Valijon Turdiyevlar ishtirok etdilar.
Tadbirda so‘z olgan institut yoshlar bilan ishlash, ma’naviyat va ma’rifat bo‘limi boshlig‘i Muhtaramxon Haliqova faxriylarning ilm-fan yo‘nalishida erishgan yutuqlari, nafaqat ta’lim, balki ishlab chiqarishda ham samarali mehnat qilib ko‘plab shogirdlarni yetishtirganliklarini qayd etib, yoshlarga ularni namuna qilib ko‘rsatdi.
So‘zga chiqqan domlalar o‘zlari bosib o‘tgan mashaqqatli yo‘llari, hayot tajribasi haqida gapirib, ustoz va shogird an’anasining mas’uliyati haqida alohida to‘xtaldi. Shuningdek, uchrashuvning mazmun-mohiyati hamda bu kabi tadbirlarning yoshlar tarbiyasida tutgan o‘rni bo‘yicha fikr-mulohazalarini bildirib, yurtimizda amalga oshirilayotgan islohotlar to‘g‘risida so‘z yuritdilar. Berilayotgan har bir imkoniyatdan unumli foydalanish bo‘yicha o‘zlarining tavsiyalari va maslahatlarini berdilar.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
