Andijon mashinasozlik instituti Avtomobilsozlik fakulteti majlislar zalida “Gender Sensitive Research and Teaching: expanding collaboration between Switzerland, Armenia, Georgia and Uzbekistan (2020-2023)” loyihasi doirasida Shvetsariyaning Friburg universiteti professorlari Andrea Boskoboinik va Sibyl Lustenberger hamda Andijon viloyati hokimi o‘rinbosari – Oila va xotin-qizlar boshqarmasi boshlig‘i Gulnora Abdullayeva, Oliy ta’lim tizimi va turli sohalarda faoliyat yurituvchi ayollar va xotin-qizlar ishtirokida seminar bo‘lib o‘tdi. Seminarni Andijon viloyati hokimi o‘rinbosari G.Abdullayeva kirish so‘zi bilan ochib berdi. Shundan so‘ng asosiy qismga o‘tilib, mavzu bo‘yicha Andrea Boskoboinik va Sibyl Lustenbergerlarning ma’ruzalari tinglandi. Professorlar o‘z so‘zlari davomida Yerevan davlat universiteti Gender va yetakchilikni o‘rganish markazi bilan olib borilayotgan loyiha bo‘yicha olib borilayotgan tadqiqotlar bilan tanishtirdilar. Shuningdek siyosat, ta’lim va iqtisodiyotda ayollarning mavqeini qanday oshirish mumkin? “Tadqiqot va o’qitishda gender ta’siri: Nima uchun bu muhim va uni qanday kuchaytirishimiz mumkin”, “Gender ta’siri tadqiqoti va o’qitish: Stem fanlari va ijtimoiy fanlar tadqiqotchilari va o’qituvchilari uchun fanlararo seminarlar seriyasi”, “O’zbekiston ta’lim tizimi va boshqa turli sohalardagi ayollar yutuqlari, imkoniyatklari va davom etayotgan muammolar” mavzularida taqdimotlar bo’lib o’tdi.
Ilm - fan sohasida yutuqlarga erishgan ayollarning o‘rni beqiyos ekanligini inobatga olib, olima xotin - qizlarimiz hamda oxirgi paytlarda ilmiy izlanishlar borasida faollik ko‘rsatayotgan xotin-qizlarimiz bilan talaba qizlarning uchrashuvlarini tashkillash oqibqtida iqtidorli va bilimga chanqoq talaba qizlarimiz davlat stpendiyalariga, jumladan Prezident stipendiyasi, I.Karimov nomidagi stipendiya, Ibn Sino stipendiyasi, Beruniy nomli davlat stipendiyasi, O‘zbekiston yoshlar ittifoqi nomdar stipendiyalari, O‘zbekistondagi atoqli olim va olimalarning stipendiyalari g‘oliblari bo‘lib kelishgan
Xotin-qizlar o‘rtasida tazyiq va zo‘ravonlikdan himoya qilish, talaba qizlarni tibbiy va huquqiy madaniyatini oshirish yuzasidan hamkor tashkilot vakillari bilan birgalikda tadbirlar davomli ravishda amalga oshirib kelinadi.
Imkoniyati cheklangan-nogironligi bo‘lgan, Ayollar daftarida, Yoshlar daftarida turgan talaba qizlarga moddiy-ma’naviy ko‘mak berib boriladi.
Andijon mashinasozlik instituti Avtomobilsozlik hamda Iqtisodiyot fakultetlarida Xalqaro qizlar kuni munosabati bilan bayram tadbiri oʻtkazildi.Unda fakultetlarda tahsil oluvchi talaba-qizlar hamda ularning ota-onalari ishtirok etishdi. Tadbirda soʻzga chiqqanlar tomonidan talabalar oʻrtasida qizlar doim oʻzining namunali hulqi, ilmga chanqoqligi, jamoat ishlarida faolligi bilan ajralib turishini qayd etildi. Shundan soʻng oʻzining xulqi, dasrlar va jamoat ishlarida faolligi bilan ajralib turgan, talabalar hamda professor-oʻqituvchilar jamoasi tomonidan eʼtirof etilgan bir guruh qizlarning onalari fakultetlar dekanlarining tashakkurnomalari bilan taqdirlandi.
Agar siz ta’lim olayotgan yoki mehnat qilayotgan oliygoh, professional ta’lim muassasasida sizga nisbatan biron-bir koʻrinishda tegajogʻlik, tazyiq yoki zoʻravonlik sodir etilgan boʻlsa, yoxud ana shunday nojoʻya xatti- harakatlar tahdidi ostida boʻlsangiz yoki guvohi boʻlgan boʻlsangiz, hech ikkilanmay Oliy va oʻrta maxsus ta’lim vazirligining 1006 ishonch telefoniga yoki @himoya_otv_bot ga murojaat qiling!
Shaxsingiz va shaxsiy ma’lumotlaringiz sir saqlanishi kafolatlanadi. Sizga zarur boʻlgan barcha yordam koʻrsatiladi, nojoʻya xatti-harakatlarga yoʻl qoʻymaslik, sodir etilgan har bir holat boʻyicha qat’iy choralar koʻrilishi ta’minlanadi.
Oliy, oʻrta maxsus va professional ta’lim tizimida sogʻlom ma’naviy muhitni shakllantirish, muhtarama ayollarimizning, aziz opa-singillarimizning sha’ni, qadr-qimmati, huquqlari va qonuniy manfaatlarini himoya qilish vazirligimiz uchun ustuvor ahamiyatga egadir.
Saytda nashr qilinayotgan ma'lumotlar uchun mualliflar javobgar. Saytdagi har qanday ma'lumotdan foydalanishga, bizning saytga havola ko'rsatish sharti bilan ruxsat etiladi. Internet nashrlar ma'lumot ko'chirganida, qidiruv tizimlari uchun erkin, ochiq havola ko'rsatishi shart. Havola qisman yoki to'liq foydalanilishidan qat'iy nazar ko'rsatilishi shart.
